គេហទំព័រអ្នកនិពន្ធកម្ពុជា ៖ គេហទំព័រដើម្បីអ្នកនិពន្ធ និងវិស័យតែងនិពន្ធនៅកម្ពុជា
លក្ខណៈគេហទំព័រអ្នកនិពន្ធកម្ពុជា “គេហទំព័រអ្នកនិពន្ធកម្ពុជា” www.cambowriter.com ជាគេហទំព័រមួយដែលបង្កើតឡើងក្នុងន័យដើម្បីចូលរួមចំណែកលើកកម្ពស់អ្នកនិពន្ធ និងវិស័យតែងនិពន្ធនៅកម្ពុជាឱ្យកាន់តែរីកចម្រើន តាមរយៈការជួយផ្សព្វផ្សាយពីអ្នកនិពន្ធ, ស្នាដៃតែងនិពន្ធ, កម្មវិធីក្នុងវិស័យតែងនិពន្ធ និងការបង្កើតសកម្មភាពការងារថ្មីៗក្នុងវិស័យតែងនិពន្ធ ដែលអាចជួយជំរុញឱ្យអ្នកនិពន្ធនិងវិស័យតែងនិពន្ធនៅកម្ពុជាកាន់តែមានលក្ខណៈល្អប្រសើរជាដើម គឺផ្ដោតសំខាន់តែលើសកម្មភាពការងាររបស់អ្នកនិពន្ធ និងការងារក្នុងវិស័យតែងនិពន្ធនៅកម្ពុជាប៉ុណ្ណោះ។ គោលបំណងគេហទំព័រអ្នកនិពន្ធកម្ពុជា ១ ដើម្បីឱ្យអ្នកនិពន្ធកម្ពុជាមានគេហទំព័រផ្លូវការមួយក្នុងវិស័យការងារតែងនិពន្ធរបស់ខ្លួន ២ ដើម្បីជួយផ្សព្វផ្សាយព័ត៌មានសំខាន់ៗជុំវិញសកម្មភាពរបស់អ្នកនិពន្ធកម្ពុជាទាំងឡាយ ៣ ដើម្បីជួយពាំនាំស្នាដៃតែងនិពន្ធថ្មីៗគ្រប់ផ្នែករបស់អ្នកនិពន្ធកម្ពុជាទៅកាន់ប្រិយមិត្តអ្នកគាំទ្រ ៤ ដើម្បីជួយលើកកម្ពស់គុណតម្លៃកិត្តិយស កេរ្តិ៍ឈ្មោះ និងជីវភាពរស់នៅរបស់អ្នកនិពន្ធកម្ពុជា ៥ ដើម្បីជួយជំរុញការអានសៀវភៅនៅកម្ពុជាឱ្យកាន់តែរីកដុះដាលដូចបណ្ដាជាតិអភិវឌ្ឍដទៃ ៦ ដើម្បីជួយផ្សព្វផ្សាយព័ត៌មានជុំវិញព្រឹត្តការណ៍សំខាន់ៗនានាក្នុងវិស័យតែងនិពន្ធនៅកម្ពុជា និងអន្តរជាតិ ៧ ដើម្បីជួយពង្រឹងនិងពង្រីកវិស័យតែងនិពន្ធនៅកម្ពុជាឱ្យកាន់តែរីកលូតលាស់រឹងមាំបន្ថែមទៀត ៨ ដើម្បីចូលរួមចំណែកជួយអភិវឌ្ឍសង្គមជាតិកម្ពុជាឱ្យកាន់តែរីកចម្រើនជឿនលឿន តាមរយៈវិស័យតែងនិពន្ធ៕ ចក្ខុវិស័យគេហទំព័រអ្នកនិពន្ធកម្ពុជា លើកទឹកចិត្តអ្នកនិពន្ធ, ផ្សព្វផ្សាយស្នាដៃអុ្នកនិពន្ធ, ការពារស្នាដៃអ្នកនិពន្ធ, លើកកម្ពស់គុណតម្លៃអ្នកនិពន្ធ, បង្កើនកម្រិតជីវភាពរស់នៅរបស់អ្នកនិពន្ធ, បណ្ដុះអ្នកនិពន្ធកម្ពុជាថ្មីៗឆ្នើមៗ ដែលមានសមត្ថភាពចំណេះដឹងក្នុងការតាក់តែងនិពន្ធស្នាដៃល្អៗ ប្រកបដោយគុណតម្លៃពិតប្រាកដចំពោះពលរដ្ឋនិងសង្គម, ចូលរួមលើកស្ទួយវិស័យតែងនិពន្ធនៅកម្ពុជាឱ្យកាន់តែរីកចម្រើនជឿនលឿនដូចបណ្ដាជាតិសាសន៍អភិវឌ្ឍដទៃ គឺជាអ្វីដែលយើងចាំបាច់ត្រូវតែសម្រេចឱ្យបានខ្ពស់បំផុត យ៉ាងយូរត្រឹមឆ្នាំ២០៣០។ “គេហទំព័រអ្នកនិពន្ធកម្ពុជា” សូមបញ្ជាក់ថា នេះគ្រាន់តែជាដំណាក់កាលក្នុងជំហានសាកល្បងប៉ុណ្ណោះ ដោយដំណាក់កាលនេះ គេហទំព័រមិនទាន់មានសកម្មភាពអ្វីច្រើននោះទេ គឺត្រឹមតែជួយផ្សព្វផ្សាយពីអ្នកនិពន្ធ, ស្នាដៃតែងនិពន្ធ, កម្មវិធីសំខាន់ៗក្នុងវិស័យតែងនិពន្ធ […]
